जुगल खबर
३० भाद्रा, सिन्धुपाल्चोक । १६ बर्ष भित्रका गाएन प्रतिभाहरुको प्रतिश्प्रधात्मक रियालिटी टेलिभिजन शो जुनियर सिङ्गिङ स्टार को दोस्रो अडिशन सिन्धुपाल्चोक सदरमुकाम चौतारामा सम्पन्न भएको छ।
देशभरिको दसवटा अडिसनबाट टेलिभिजन राउन्डका लागि उत्कृष्ट १०० जना प्रतिस्पर्धी छान्ने योजना अनुरुप काभ्रे र सिन्धुपाल्चोकलाई लक्षित गरेर चौतारास्थित कृष्ण रत्न गङ्गा उच्च मा बि मा भाद्र २९ गते अडिसन सम्पन्न गरिएको कार्यक्रम प्रस्तोता घनश्याम तिमल्सिना एन्टिनाले बताएका छन।
आर्या मिडिया हाउसले संचालन गरेको उक्त रियालिटी शो ग्लोबल एच डि टेलिभिजन बाट प्रसारण हुनेछ भने कार्यक्रमलाई कपिल कार्कीले निर्देसन गरेका हुन। गत साउन २६ गते काठमाडौमा पहिलो अडिसन सम्पन्न गरिसकेको यो कार्यक्रममा गाएक तथा संगीतकार डिजराज पौडेल , गायिका सरु गौतम,गाएक कर्णराज गिरि, डेबिट शंकर निर्णायकको भुमिकामा रहेका छन।
नियुक्ति शेर्पा र घनश्याम तिमल्सिना एन्टिना होस्ट रहेको यो रियालिटी शो मा सिन्धुपाल्चोकका तीन दर्जन बिध्यालयहरुबाट १२० जना बिध्यार्थिहरुको उत्साहजनक सहभागिता रहेको कार्यक्रम संचालक तिमल्सिनाले बताए।
सिन्धुपाल्चोक अडिशनबाट टप सय राउन्डको लागि २२ जना बिध्यार्थिहरु छनोट भएका छन भने जुनियर सिङ्गिङ स्टार हुन सफलले रु ५ लाख,सेकेन्डले २ लाख पचास हजार र तेस्रोले १ लाखको पुरुस्कार प्राप्त गर्ने आयोजक आर्या मिडिया हाउसले बतायको छ।
प्रतिक्रिया दिनुहोस्