जुगल खबर
राष्ट्रिय परीक्षा बोर्डले आउदो चैत १५ देखि २७ गतेसम्म सञ्चालन हुने माध्यमिक शिक्षा परीक्षा (एसईई) को तयारी पूरा भएको जनाएको छ । यस वर्षको एसईई परीक्षाका लागि देशभर दुई हजार ५७ वटा परीक्षा केन्द्र निर्धारण गरेको बोर्डका अध्यक्ष डाक्टर महाश्रम शर्माले जानकारी दिए ।
परीक्षाका लागि आवश्यक प्रश्नपत्र ७६ वटा जिल्लाका प्रहरी कार्यालयमा पठाइसकेको र काठमाण्डौ जिल्लामा परीक्षाको अघिल्लो दिन मात्रै पठाउने परीक्षा नियन्त्रक नन्दलाल पौडेलले बताए । यस वर्ष देशभरबाट झन्डै पाँच लाख जना विद्यार्थी एसईईमा सहभागी हुनेछन् ।
प्रतिक्रिया दिनुहोस्