जुगल खबर
हरेक १२ वर्षको अन्तरालमा पानी पलाउँदै अएको सिन्धुपाल्चोकको इन्द्रावती गाउँपालिका ५ स्थित नयाँपानी धाममा यसपटक पानी देखिएको छैन । परापूर्वकालदेखि १२ वर्षको अन्तरालमा पानी पलाउँदै आएको सो धाममा यसपटक १२ वर्ष नाघेपनि पानी पलाउने छाँटकाँट नदेखिएपछि स्थानीय अचम्भित भएका हुन् ।
पछिल्लो पटक सो स्थानमा २०६८ सालको कात्तिकमा पानी पलाएको थियो । सोहीबमोजिम २०८० कात्तिक वा मंसिरसम्म पानी पलाउनुपर्ने स्थानीय बताउँछन् । तर, पुस महिना सकिन लाग्दा पनि पानी पलाउने छाँटकाँट नदेखिएपछि स्थानीयले अचम्म मानेका छन् ।
मानवीय भूलवश देवता रिसाएर मूल नपालाएको हुन सक्ने भन्दै आज नयाँपानी संरक्षण समितिको पहलमा क्षमा पूजा गर्न लागिएको हो । १२ वर्षको अन्तरालमा मूल पलाएपछि यसअघि सो स्थानमा विभिन्न धार्मिक अुनष्ठान र महोत्सव हुँदै आएको थियो । पानी नपलाएपछि धार्मिक अनुष्ठान गर्दै महोत्सवको आयोजना गर्ने विषय पनि यसपटक अन्यौलमा परेको हो ।जना आस्था
प्रतिक्रिया दिनुहोस्