टेबल टेनिस प्रतियोगिताको मेयर सापकोटाद्वारा उद्घाटन , दुर्गा र विकास फाइनलमा

चौतारा । चौतारा साँगाचोकगढी नगरपालिकाका मेयर कृष्णप्रसाद सापकोटाले जिल्ला स्तरिय टेबल टेनिस प्रतियोगिताको उद्घाटन गरेका छन।

दुई दिनसम्म हुने प्रतियोगिताको उद्घाटन गर्दै मेयर सापकोटाले खेलकुदले शारीरिक, मानसिक विकाससँगै राष्ट्रलाई पनि विश्वसामू चिनाउने भएकोले खेलकुदको महत्व दिनप्रतिदिन बढेको धारणा राखे । उहाँले सबै खाले खेलकुद विकासका लागि नगरपालिका प्रतिबद्ध रहेको जनाए ।

प्रतियोगीताको आज भएको भेट्रान्सतर्फ दुर्गाप्रसाद ढुंगेल र विकास श्रेष्ठ फाइनलमा पुगेका छन । ९ जना स्पर्धीलाई पछि पार्दै ढुंगेल र श्रेष्ठले फाइनलको यात्रा तय गरेका हुन् ।
उनीहरुबीच भोलि उपाधिका लागि भिड्दै छ्न ।

आज विहानबाट जारी प्रतियोगितामा भेट्रान्सतर्फ तृतीयका लागि भएको प्रतियोगितामा भने सूर्यबहादुर श्रेष्ठलाई हराउरामबहादुर घले बिजयी भएका छन् ।

मेन्स सिंगल र डबलतर्फ भने खेल जारी रहेको जिल्ला टेबुल टेनिस संघका अध्यक्ष मिलन लामाले जानकारी दिए ।
भेट्रान्स, सिङगल र डबल गरी ९७ जना खेलाडीले सहभागिता जनाएको प्रतियोगिता भोलि सम्पन्न हुनेछ ।