जुगल खबर
सिन्धुपाल्चोक ,१ कार्तिक
सुनकोशी गाउँपालिकाले विजया दशमी , शुभ दिपावली , नेपाल संवत् , छठ पर्वको अवसरमा चियापान तथा शुभकामना आदानप्रदान कार्यक्रम गरेको छ ।सोही अवसरमा सुनकोसी गाँउपालिकाद्वारा कान्तिपुर दैनिकका उपसम्पादक ऋषिराम पौडेललाई ’सिन्धु पत्रकारिता सेतो बाघ’ ले सम्मान गरिएको छ ।
अध्यक्ष टपिन्द्र तिमल्सिना , उपाध्यक्ष कान्छी तामाङसहित अन्य जनप्रतिनिधिले उहाँलाई दोसल्ला ओडाएर सम्मान गरेका छन्। ०४९ सालबाट राससबाट पत्रकारिता सुरु गरेका पौडेल नेपाल पत्रकार महासंघ सिन्धुपाल्चोकका पूर्वसभापति समेत छन् ।
सम्मानित पत्रकार ऋषिराम पौडेलले पत्रकारिता कमाई गर्ने पेशा नभएको र आय आर्जन गर्ने भए व्यापार व्यवसाय तिर लाग्न सुझाव दिदै समाज परिर्वतनका लागि दिनरात नभनि स्वतस्फुर्त रुपमा समाज सेवा गर्न जिल्लाका पत्रकारहरुलाई सुझाव दिनुभएको छ ।
यस्तै पालिका अध्यक्ष तिमल्सिनाले समस्त चाड पर्वहरुको सुखद उपलक्षमा आमन्त्रित उपस्थित सवैमा सुख शान्ती समृद्धि सुस्वास्थ्य र दिर्घ जीवनको शुभकामना प्रकट गदै पालिकाको विकास निमार्णमा तदारुकताका साथ काम गर्ने प्रतिबद्धता जनाउनुभयो। सोहि कार्यक्रमलाई सम्बोधन गदै पत्रकार महांसघ अध्यक्ष जीवन श्रेष्ठले कुनै पनि भेदभाव नगरी सबैलाई समान ढंगले न्यायोचित सम्मान गरेकोमा पालिकालाई धन्यवाद दिनुभयो ।
सुनकोशी गाउँपालिकाले पौड्यालले जिल्लाको दुर्गम भेगमा दुई दिनसम्म हिँडेर गरेको पत्रकारिता स्मरण गराएको छ ।पालिकाले पौड्यालसहित सामुदायिक र निजी बोर्डिङका प्लस टु र एसईईका गरी १० उत्कृष्ट नतिजा ल्याउने विधार्थी र गा.पा.मा कार्यरत दुई जना कर्मचारीलाई पनि पुरस्कृत गरेको छ ।
कार्यक्रममा पालिका प्रमुख ,उपप्रमुख , अन्य राजनैतिक दलका प्रमुख एवं प्रतिनिधिहरु ,वडा अध्यक्ष ,सदस्यहरु ,कर्मचारी ,सञ्चारकर्मिहरु र गाउँपालिका वासीहरुको उपस्थिति रहेको कार्यक्रममा सबैले एक आपसमा शुभकामना साटासाट गरेका थिए ।
प्रतिक्रिया दिनुहोस्