जुगल खबर
म्हसिका पुचले गर्यो जेष्ठ नागरिकलाई सम्मान
चौतारा । म्हसिका पुच चौताराले जेष्ठ नागरिकलाई सम्मान गरेको छ ।
३३ औं अन्तराष्ट्रिय जेष्ठ नागरिक दिवसको अवसरमा चौताराकी ८४ वर्षिया जेष्ठ नागरिक नारायणदेवी कक्षपति लगायत १२ जना जेष्ठ नागरिकलाई सम्मान गरेको हो ।
कार्यक्रममा प्रमुख अतिथि एवम वडा न ५ का अध्यक्ष शिव श्रेष्ठले जेष्ठ नागरिक दिवसको अवसरमा मात्र नभई ३६५ दिनै जेष्ठ नागरिकलाई सम्मान गर्नुपर्ने बताउनु भयो ।
नेपाल पत्रकार महासंघ सिन्धुपाल्चोकका अध्यक्ष जीवन श्रेष्ठले घरले जाउ जाउ र वनले आउ आउ भन्ने अवस्थामा पुगेका जेष्ठ नागरिकहरुलाई घरमै बसौं बसौं , परिवारमा नै रहौं रहौं जस्तो वातावरण निर्माण गर्नु पर्ने बताउनु भयो ।
कार्यक्रममा समाजसेवी श्याम श्रेष्ठ, नेवा र दे दबुका केन्द्रीय सचिव हरिकुमार श्रेष्ठले शुभकामना मन्तव्य राख्नु भएको थियो ।
पुचकी अध्यक्ष सीता श्रेष्ठको अध्यक्षतामा भएको कार्यक्रमको सञ्चालन सचिब निर्मला श्रेष्ठ र स्वागत गुणकेशरी श्रेष्ठले गर्नु भएको थियो ।
प्रतिक्रिया दिनुहोस्