असोज २७ गतेबाट मालिकादेवी खुला ७ ए साइड नगर कप फुटबल प्रतियोगिता हुदै

सिन्धुपाल्चोक ,१ असोज
सम्झना कार्की – गत वर्ष झै यस वर्ष पनि तेस्रो मालिकादेवी खुला ७ ए साइड नगर कप फुटबल प्रतियोगिता २०८० सुरु हुदैँ छ । यस वर्ष पनि विजया दशमी, शुभ दिपावली तथा छठ पर्वको उपलक्ष्यमा आउदो असोज २७ गतेबाट ७ ए साइड नगर कप फुटबल प्रतियोगिता आयोजना गर्न लागिएको हो ।

उक्त फुटबल प्रतियोगितामा विजेता हुने टिमले पुरस्कार नगद रु १लाख ११ हजार १सय ११ र उपविजेताले टिमले नगद रु ६६ हजार ६ सय ६६ रुपैयाँ (ट्रफि, मेडल र प्रमाण पत्र) पाउने आयोजक मेलचौर युवा जागरण समाजले जनाएको छ ।

सगैँ उत्कृष्ट खेलाडि, स्ट्राइकर, गोलरक्षक, डिफेन्डर, मिडफिल्डर, प्रशिक्षक र प्रत्येक खेलको म्याद अफ द म्याचलाई ट्रफिसहित आकर्षक नगद पुरस्कारको व्यवस्था रहेको छ भने टिम फेयर प्ले अवाडको पनि व्यवस्था गरिएको आयोजकले जनाएको छ ।खेल यहि असोज २७ गते बाट सुरु हुने छ । टिम दर्ता गर्ने अन्तिम मिति असोज २४ गते सम्म रहेको छ भने टिम दर्ता शुल्क ः रु ५००० लाग्ने छ । टाइसिट निर्माण असोज २६ गते विहान ११ बजे र खेल मेलचौर दरबार डाँडा खेलमैदानमा हुने छ ।

खेलको विषयमा थप जानकारीको लागि सबिन दंगाल (9849767868), खिलबहादुर दंगाल (9845298479), विकास आचार्य (9813303030) यी नम्बरमा सम्पर्क गर्न अनुरोध गरिएको छ ।मेलचौर युवा जागरण समाज, चौतारा साँगाचोकगढी –७, सिन्धुपाल्चोकको आयोजनामा उक्त खेल हुन लागेको हो । साथै मेलचौर युवा जागरण समाजले प्रथम र दोस्रो मालिकादेवी कप फुटबल प्रतियोगिता भव्यरुपमा सम्पन्न गरिसकेको छ ।