२०८१ असार २

सिन्धुपाल्चोकमा आँखा स्वास्थ्य सचेतना सम्बन्धी तिज गीत प्रतियोगिता सम्पन्न, शिद्धि गणेस महिला समुह सानुसिरुवारी प्रथम

भदौ ११, सिन्धुपाल्चोकको सदरमुकाम चौतारामा आँखा स्वास्थ्य सचेतना सम्बन्धी तिज गीत प्रतियोगिता सम्पन्न भएको छ । जिल्ला स्तरीय उत्त तीज गीत प्रतियोगितामा शिद्धि गणेस महिला समुह सानुसिरुवारी प्रथम भएको छ । हिन्दू नारीहरुको महान पर्व तीजको अवसर पारेर जिल्ला सामुदायिक आँखा केन्द्र सिन्धुपाल्चोकले आज ( जिल्ला सदरमुकाम चौतारामा प्रतियोगिता आयोजना गरेको थियो ।


जिल्लास्थित विभिन्न ८ समूह सहभागी प्रतियोगितामा चौतारा सांगाचोकगढी नगरपालिका वडा नम्बर १ भेडाबारी महिला समूह द्धितीय र चौतारा साँगाचोकगढी वडा नम्बर १० महिला समुह तृतीय भएका छन । प्रतियोगतामा प्रथम, द्धितीय र तृतीय हुने समूहलाई कार्यक्रमका प्रमुख अतिथी चौतारा सांगाचोकगढी नगरपालिका उपप्रमुख सिता थापाले प्रमाण–पत्र सहित क्रमशः नगद १० हजार, ८ हजार र ५ हजार रुपैयाँ प्रदान गर्नुभयो ।


आँखा सम्बन्धी समस्या जहिले र जसलाई पनि हुने सक्ने भएकाले सचेतना फैलाउने र संस्कृति संरक्षणमा समेत सहयोग पु¥याउने उदेश्यले प्रतियोगिता आयोजना गरिएको आयोजक तथा जिल्ला सामुदायिक आँखा केन्द्रकी प्रमुख रुपा लुईटेलले बताउनुभयो ।
सहभागिहरुले आँखा स्वास्थ्यबारे गित मार्फत आफ्रनो प्रस्तुती दिएका थिए ।

प्रतिक्रिया दिनुहोस्