बाह्रविसेमा आगो ताप्ने क्रममा आगलागी हुदा एक जनाको मृत्यु

जुगल खबर

१९ मंसिर २०८०

मंसिर १९, सिन्धुपाल्चोक । घरमा आगलागी हुदा सोमबार एक जनाको ज्यान गएको छ । सिन्धुपाल्चोक जिल्ला बाह्रविसे नगरपालिका ८ का वर्ष ४५ का लोक बहादुर नेपालीको मृत्यु भएको हो । काठले बारेको जस्तापाताको छानो भएको एक तले घरमा आगलागी हुदा मानवीय क्षती भएको हो । सोमबार बेलुकी सवाँ ८ बजेतिर सो घट्ना भएको प्रहरीले जनाएको छ ।

घरभित्र आगो बाली ताप्ने क्रममा आगलागी भई घरभित्र रहेको एलपी ग्याँस सिलिन्डर पड्किदा सो घट्ना भएको सुचना अधिकारी प्रहरी नायव उपरिक्षक निरञ्जन भट्टाराईले जानकारी दिनुभयो । घरधनी लोक बहादुरको पुरै शरिर जलेर घट्नास्थलमै मृत्यु भएको भट्टाराईले बताउनुभयो ।

प्रहरीले घट्नास्थलमा पुगेर लोकबाहदुरको परिवारको अन्य सदस्यलाई भने उद्धार गरेको थियो । आगो पुर्ण रुपमा नियन्त्रण गरिएको छ । घट्नाबाट भएको अन्य क्षति विवरण भने आउन बाँकी रहेको जिल्ला प्रहरी कार्यलय सिन्धुपाल्चोकले जनाएको छ ।