सुकुटे । नेपाल तेक्वान्दो संघ सिन्धुपाल्चोक पाँचौं जिल्ला अधिवेशनले रामचन्द्र कार्कीको अध्यक्षतामा सामिति निर्वाचित गरेको छ । शुक्रबार सुकुटेमा भएको संघको अधिवेशनबाट उपाध्यक्षमा रमेश गुरुङ, कोषाध्यक्षमा नकुन नेपाल र सदस्यहरुमा प्रेमबहादुर भण्डारी, कुमार बस्नेत, नरेन्द्र खड्का, माधव विक र इश्वर भण्डारी निर्विरोध निर्वाचित भएको निर्वाचन अधिकृत दुर्गामान तामाङले जानकारी दिए । २०५४ सालबाट सुरु भएको संघले ३ वटा राष्ट्रिय खेल जिल्लामा सम्पन्न गर्ने सफल भएको निवर्तमान अध्यक्ष प्रेम बहादुर भण्डारीले बताए ।
सिन्धुपाल्चोकमा निकै ठूलो संघर्षबाट संघ स्थापना गरेको भन्दै त्यसको विरासत अबको कार्यसमितिले गर्नुपर्ने धारणा राखे । कार्यक्रममा सिन्धुपाल्चोक उद्योग वाणिज्य संघका अध्यक्ष बुद्धराज बस्नेत, सिन्धुपाल्चोक खेलकुद विकास समितिका अध्यक्ष रामकृष्ण दंगाल, नेपाल तेक्वान्दो संघका केन्द्रिय सदस्य हेमन्त डांगी लगायतले नवनिर्वाचित कार्यसमितिलाई शुभकामना प्रदान गर्दै तेकवान्दोको विकासमा सधैं सघाउने प्रतिवद्धता जनाए ।
संघको पहिलो बैठकले निर्वतमान अध्यक्ष एवम् कार्यसमिति सदस्य प्रेमबहादुर भण्डारीलाई केन्द्रिय प्रतिनिधीको रूपमा पठाउने निर्णयसहित तेक्वान्दो विकासका लागी महत्वपूर्ण निर्णय गरेको उपाध्यक्ष रमेश गुरुङले जानकारी दिए ।
सुन्दर शिरीष
प्रतिक्रिया दिनुहोस्