जुगल खबर
२६ भाद्र – ललितपुरको सातदोबाटोमा रहेको एन्फा कम्प्लेक्सको मैदानमा आज भएको दोश्रो खेलमा सङ्कटाले कर्णालीलाई दुई गोलले हरायो । एन्फा महिला लिग फुटबलमा सङ्कटा फुटबल क्लबले कर्णाली प्रदेशलाई हराउँदै पहिलो जीत दर्ता गराएको छ ।
सङ्कटाका लागि सेलिना अनिमा र टोम्लोफेले समान एक गोल गरे । सङ्कटा चार अङ्कका साथ छैठौं स्थानमा उक्लिएको छ । कुनै पनि खेल नजितेको कर्णाली तालिकाको नवौं स्थानमा छ ।
यस्तै आजै भएको पहिलाे खेलमा नेपाल पुलिस क्लबले कोशी प्रदेशलाई हराएको छ । ललितपुरको सातदोबाटोमा रहेको एन्फा कम्प्लेक्सको मैदानमा आज भएको खेलमा पुलिसले कोशीलाई ४–० गोलले हरायो । यो जीतसँगै पुलिस ४ खेलमा १० अङ्कसहित तालिकाको शीर्ष स्थानमा उक्लिएको छ ।
प्रतिक्रिया दिनुहोस्