जुगल खबर
सिन्धुपाल्चोक ,२२ कार्तिक
स्वास्थ्यको लागि खेलकुद राष्ट्रको लागी खेलकुद भन्ने नाराका साथ जिल्ला स्तरीय टेवल टेनिस प्रतियोगिताको चौतारामा उद्घाटन गरीएको छ । दुईदिन सम्म चल्ने उक्त टेवल टेनिसको बुधबार उद्घाटन चौतारा सागाँचोकगढी नगरपालिका प्रमुख कृष्ण प्रसाद सापकोटाले खेल खेल्दै गर्नुभएको हो ।
चौतारा सागाँचोकगढी नगरपालिकाको सहयोग ,नगर खेलकुद विकास समिति चौ.सा.गढी नगरपालिकाको समन्वय र जिल्ला टेबल टेनिस संघ सिन्धुपाल्चोकको आयोजकमा भएको खेल बुधबार र बिहिबार दुर्ईदिन सम्म चल्ने छ ।
सो खेलबाट मेन्स डबल तर्फ प्रथम हुनेलाई रु १२ हजार ,द्धितीय हुनेलाई रु ६ हजार र तृतिया हुनेलाई रु ४ हजार र साथमा ट्रफी,मेडल र प्रमाणपत्र पाउनेछन् । यस्तै मेन्स सिंगल्स तर्फ प्रथम हुनेलाई रु७ हजार , द्धितीय लाई रु५ हजार र तृतियालाई रु३ हजार साथमा ट्रफी,मेडल र प्रमाणपत्र पाउनेछन् । यस्तै भेट्रान्स सिंगल्स तर्फ प्रथम हुनेलाई ५ हजार , द्धितीय हुनेलाई रु३ हजार र तृतिया हुनेलाई रु२ हजार साथमा ट्रफी,मेडल र प्रमाणपत्र पाउने आयोजकले जनाएको छ ।हाल खेल जारी छ।
प्रतिक्रिया दिनुहोस्