सुजन श्रेष्ठ
सिन्धुपाल्चोक । जुगल गाउँपालिका र बनेपास्थित अपाङ्ग बाल अस्पताल तथा पुनर्स्थापना केन्द्रबीच अपाङ्ग बालबालिकाको स्वास्थ्य र पुनर्स्थापना सेवामा सहकार्य गर्ने सम्झौता सम्पन्न भएको छ ।
सम्झौता अनुसार १८ वर्षसम्मका शारीरिक अपाङ्गता भएका बालबालिकाको पहिचान, उपचार, शल्यक्रिया, पुनर्स्थापना, सहायक सामग्री तथा कृत्रिम अङ्ग वितरणजस्ता सेवा उपलब्ध गराइनेछ । “अपाङ्गता व्यवस्थापन तथा मूलप्रवाहीकरण” नामक यो कार्यक्रम आर्थिक वर्ष २०८२/८३ को असार मसान्तसम्म सञ्चालन गरिनेछ ।
यस कार्यक्रममार्फत अपाङ्ग बालबालिकाको अनुगमन, उपचार तथा सामाजिकीकरणमा टेवा पुग्ने विश्वास लिइएको छ । सम्झौता समारोहमा गाउँपालिका अध्यक्ष रेशम स्याङ्बो, प्रमुख प्रशासकीय अधिकृत लोकबहादुर विक, सिबिआर सुपरभाइजर टिका विश्वकर्मा लगायतको उपस्थिति रहेको थियो ।
प्रतिक्रिया दिनुहोस्