सुजन श्रेष्ठ
सिन्धुपाल्चोक, भाद्र ८। सिद्धाश्रम शक्ति केन्द्र सुकुटेमा रहेका आध्यात्मिक शक्ति अनुसन्धान संस्थाले यस वर्षको हरितालिका तीजको अवसरमा विशेष शुभकामना आदान–प्रदान तथा दर कार्यक्रम सम्पन्न गरेको छ ।
दिउँसो २ बजेबाट सुरु भएको कार्यक्रममा स्थानीय आमा, दिदीबहिनी, काकी, भाउजूलगायत समुदायका महिलाहरूको उल्लेखनीय सहभागिता रहेको थियो । गीत–संगीत, नृत्य तथा रमाइलो वातावरणबीच महिलाहरूले दरसहित शुभकामना आदान–प्रदान गर्दै तीजको उल्लासपूर्ण माहोल सिर्जना गरेका थिए ।
आयोजक सिद्धाश्रम शक्ति केन्द्रले कार्यक्रममा सहभागी सम्पूर्णप्रति आभार व्यक्त गर्दै महिलाहरूको उत्साह, उमंग र सक्रियताकै कारण कार्यक्रम भव्य र अविस्मरणीय बनेको जनाएको छ ।
प्रतिक्रिया दिनुहोस्