सिन्धुपाल्चोक । गएराति पानीमा डुबेर सिन्धुपाल्चोकको भोटेकोशी २ मा रहेको भोटेकोशी हाइड्रोपावरका अप्रेटरको पानीमा डुबेर मृत्यु भएको छ । प्रहरीका अनुसार मृत्यु हुनेमा बाह्रविसे न.पा.७ जुरेका दिपक पराजुली रहेका छन् । उनी भोटेकोशी हाइड्रोपावर प्रा.लि.इलेक्ट्रोनिक (अप्रेटर) का रुपमा कार्यरतथिए ।
पराजुली सोमबार साँझबाट हराएपछि हाइड्रोका कर्मचारीले उनी हराएको प्रहरीलाई जानकारी गराएका थिए । राती १ बजे प्रहरी हाइड्रोमा पुगेपछि गरिएको खोजीपछि मंगलबार बिहान २ बजे उनको शव फेला परेको बागमती प्रदेश प्रहरी कार्यालयले जनाएको छ ।
पराजुली हराएको खबरपछि अस्थायी प्रहरी पोष्ट १० किलोबाट प्रहरी सहायक निरीक्षक शंखर राईको कमाण्डमा प्रहरी खटिएको थियो । तीनजनाको प्रहरी टोलीले खोजी गर्दा हाइड्रोको टनेलमा पानी पठाउनका लागि बनाएको सुरुङको मुखको तारमा अड्की पानीमा डुबेको अवस्थामा मृत फेला पारेको प्रसनी राईले जानकारी दिए ।
प्रतिक्रिया दिनुहोस्