सुरेश कसजु
सिन्धुपाल्चोक । मेलम्ची नगरपालिकास्थित मेलम्चीको इन्द्रेश्वरी माध्यमिक विद्यालयमा अध्ययनरत विद्यार्थीहरुले रसुवाको बाढीबाट प्रभावितका लागि खाजा खर्च कटाएर सहयोग गरेका छन् । विद्यार्थीहरुले १५ हजार ५ सय १५ रुपैयाँ सहयोग गरेका हुन् ।
विद्यार्थीबाट बुधबार संकलन भएको १५ हजार ५ सय १५ रुपैयाँ प्रधानमन्त्री दैवी प्रकोप उद्धार कोषमा जम्मा गरेको विद्यालयले जनाएको छ ।
विद्यालयमा अध्ययनरत १ देखि १२ कक्षासम्मका विद्यार्थीले आफ्नो खाजा खर्चबाट रकम कटाएर तथा व्यक्तिगत रुपमा बचत गरेको रकम संकलन गरी उक्त सहयोग जुटाएका हुन् । बाढीबाट प्रभावित नागरिकलाई सहयोग गर्ने उद्देश्यले विद्यार्थीहरूले स्वेच्छिक रुपमा रकम संकलन गरिएको थियो ।
प्रतिक्रिया दिनुहोस्