कोरियामा सिन्धुपाल्चोक समाजद्वारा बृहत् तथ्याङ्क संकलन अभियान सुरु

दक्षिण कोरियामा रहनुभएका सिन्धुपाल्चोक जिल्लाबासीहरूमाझ एकता, आत्मीयता र सहकार्यको सेतु बन्ने उद्देश्यसहित सिन्धुपाल्चोक समाज, दक्षिण कोरियाले बृहत् तथ्याङ्क संकलन  सुरु गरेको छ।

“आपसी सद्भाव, सहयोग र सदाचार — सिन्धुपाल्चोकबासीको मिलनको आधार” भन्ने मूल नाराका साथ सन् २०१४ मा स्थापना भएको समाजले, पछिल्लो समय प्रवासमा रहेका दाजुभाइ तथा दिदीबहिनीहरूमाझ नाता चिनाउने मात्र होइन, साथ दिने माहोल बनाउने अभियान अघि सारेको हो।

अब कोरियामा जुनसुकै भिजामा हुनुहुन्छ – अध्ययन, रोजगारी वा व्यवसाय — सिन्धुपाल्चोक जिल्लाबाट आउनुभएको छ भने, तपाईं यो अभियानको हिस्सा बन्न सक्नुहुन्छ।

 किन आवश्यक छ यो अभियान?

कोरियामा रहेको सिन्धुपाल्चोकबासी अरुको तथ्याङ्क सङ्कलन २०२५ को मुख्य उद्देश्यहरु निम्न प्रकार रहेका छन्।

१, कोरियामा रहेको जिल्लाबासीहरूलाई एकताबद्ध गर्ने।
२, एक आपसमा सहयोग सद्भाव र सदाचारको विचारसहित परिचित गर्ने गराउने।
३, कोरियामा बसोबास गर्दै गर्दा आइपर्ने हरेक सुख दुखहरु एकअर्कासँग साटासाट गर्ने।
४, संस्थाको कार्यविधि र भावी योजनाहरू जानकारी गराइने।
५, कोरियामा सिकेको सीप, ज्ञान र भोगाइहरुमा छलफल बहस गराइने।
६, सामूहिक लगानी बारे छलफल बहस गराइने।
७, व्यक्तित्व विकास र सिपमुलक तालिमहरु Online मार्फत गराइने।
८, कोरियाबाट स्वदेश फर्केर विभिन्न व्यापार व्यवसाय गर्दै गर्दै आउनुभएको व्यक्तित्वहरू बीच सहकार्य गराइने।
९, कोरियाको श्रम कानुन, औद्योगिक दुर्घटना र भिजा सम्बन्धी जानकारीहरू गराइने।

समाजले सम्पूर्ण सिन्धुपाल्चोकबासीलाई आफ्नो पालिकाको संयोजकसँग सम्पर्क गरेर यो अभियानमा सक्रिय सहभागिता जनाउन आग्रह गरेको छ।

यस तथ्याङ्क संकलनमार्फत तयार हुने सम्पर्क सूची, अनुभवहरू र सहकार्यको जालोले प्रवासमा मात्र होइन, देश फर्केपछि पनि आपसी सम्बन्धलाई अझ बलियो बनाउने विश्वास गरिएको छ।

 संयोजकहरूको सम्पर्क ( पालिका अनुसार):

सिन्धुपाल्चोक समाज दक्षिण कोरियाले आफ्नो स्थापना कालदेखि नै दक्षिण कोरिया लगायत नेपालमा विभिन्न संघसंस्थाको सहकार्यमा सामाजिक कार्यहरूमा हातेमालो गर्दै आइरहेको छ।

तल दिएको गुगल लिंक वा आफ्नो पालिका संयोजक हरुसँग सम्पर्क गरेर सहभागी हुनु होलाः

https://forms.gle/T8ygmuGRr1WuYZ8h9