जुगल खबर
सिन्धुपाल्चोक- उर्जा, जलस्रोत तथा सिंचाइमन्त्री दीपक खड्काले मेलम्ची र हेलम्बू क्षेत्रमा बाढीले पुर्याएरको क्षतिको पुनर्निर्माण गर्न सरकार प्रतिबद्ध रहेको बताएका छन् ।
मेलम्ची र हेलम्बू क्षेत्रको सोमबार स्थलगत अनुगमन गर्दै मन्त्री खड्काले बाढी प्रभावित क्षेत्रको पुननिर्माणमा सरकारले काम गर्ने बताए ।
उनले मेलम्ची र हेलम्बू क्षेत्रमा सिंचाइ व्यवस्थापन गर्न विशेष योजना अघि बढाउने घोषणा गरे ।ऊर्जामन्त्री खड्काले पहाडी क्षेत्रका उर्वर भूमिको सदुपयोग गर्न सिंचाइ व्यवस्थापनलाई सरकारले प्राथमिकतामा राखेको बताए ।
पहाड़ी क्षेत्रमा कृषिको उत्पादनलाई बढावा दिन सिंचाइ व्यवस्थापन एकदमै महत्वपूर्ण भएको उनको भनाइ थियो ।
१ असार २०७८ मा आएको बाढीले मेलम्ची र हेलम्बू क्षेत्रमा ठूलो धनजनको क्षति पुर्याएरको थियो । हालसम्म पनि पुनर्निर्माण हुन सकेको छैन ।
कांग्रेस नेता एवम् उक्त क्षेत्रका सांसद मोहन बस्नेतको सक्रियतामा ऊर्जामन्त्री खड्का, राज्यमन्त्री खमबहादुर गर्बुजा, सिंचाइसचिव सरीता दवाडी, जलस्रोत तथा सिंचाइ विभागका महानिर्देशक सञ्जीव बरालगायतको टोलीले सोमबार स्थलगत निरीक्षण गरेको हो ।
निरीक्षणका क्रममा स्थानीयले बाढीपहिरोले पुगेको क्षतिको पुनर्निर्माण गर्न माग गर्दै मन्त्रीलाई ज्ञापनपत्र बुझाए ।
उनीहरूले बाढीले पुर्याएरको क्षतिको पुनर्निर्माणमा स्थानीय तहको पर्याप्त स्रोत–साधन नहुँदा जनता मारमा परेको भन्दै चाँडो पुननिर्माण गरिदिन आग्रह गरेका छन् ।
प्रतिक्रिया दिनुहोस्