जुगल खबर
११ असोज, सिन्धुपाल्चोक । पर्यटकीयस्थल पाँच पोखरीमा प्रथम पाँचपोखरी महिला म्याराथन हुने भएको छ । आगामी कात्तिक २ गते म्याराथन हुने भएको हो । पाँचपोखरी थाङ्पाल गाउँपालिका ३ मा अवस्थीत पाँचपोखरी कुण्डबाट तल रैथानेसम्म २८ किलोमिटर दुरीमा म्याराथन हुने आयोजक विश्व समावेश साहसी संस्थाकी सल्लाहकार माया गुरुङले बताइन ।
स्वदेशी तथा विदेशी महिलाहरुको सहभागीमा हुने म्याराथनमा प्रथम हुनेले नगद ५० हजार सहित शिल्ड, मेडल र प्रमाणपत्र पाउनेछन् । दोस्रो, तेस्रो ,चौथो र पाँचौ हुनेले समेत शिल्ड, मेडल र प्रमाणपत्र सहित क्रमशः २५ हजार, १५ हजार,१० हजार र ५ हजार रुपैयाँ नगद पुरस्कार पाउने छन् ।
दौडमा सहभागीता हुन नेपाली महिलाले ५ सय रुपैयाँ र विदेशी महिलाले ५ डलर दर्ता शुल्क बुझाउनुपर्ने छ । दौड २०८१ कार्तिक २ गते बिहान ७ बजे पाँचपोखरीबाट शुरु भई मानेखर्क,रैथानेमा अन्त्य हुनेछ । म्याराथन दौड सहित सोही समयमा मास ट्रेकिङ पनि हुनेछ ।
प्रतिक्रिया दिनुहोस्