जुगल खबर
सिन्धुपाल्चोक ,२८ माघ
प्रेस सेन्टर नेपाल जिल्ला समन्वय समिति सिन्धुपाल्चोकको छैटौ साधारणसभा तथा अधिवेशन फागुन २६ गते हुने भएको छ । शनिवार (आज) चौतारामा सम्पन्न पूर्ण बैठकबाट साधारणसभा तथा अधिवेशन गर्ने निर्णय गरेको हो । बैठकले सचिव सुन्दर शिरीसको संयोजकत्वमा मूल आयोजक समिति गठन गरिएको छ ।
शिरीसको संयोजकत्वमा १७ सदस्यी अधिवेशन आयोजक समिति बनाउने निर्णय गरिएको हो । जसमा सदस्यहरु अर्जुन शर्मा , सम्झना कार्की ,निर्मल बस्नेत ,केशवप्रसाद अधिकारी ,कल्पना श्रेष्ठ , रस्मीला खत्री ,राजेन्द्र रानामगर ,सुप्रिन्स कसजु , दुर्गा श्रेष्ठ , मोकिा विक , निर्मल माझी ,सुमित्रा श्रेष्ठ , स्वस्तीका सापकोटा , बासु देव गिरी ,निषा घिमिरे र सरस्वती नेपाल रहेका छन् ।
सेन्टरका सिन्धुपाल्चोक अध्यक्ष दिपक खत्रीकोे अध्यक्षतामा भएको बैठकमा नेकपा माओवादी केन्द्रका सिन्धुपाल्चोक जिल्ला संयोजक गोविन्द पराजुलिको प्रमुख आतिथ्यता र जनवर्गीय संगठन प्रमुख जानुका पराजुलिको विशेष आतिथ्यतामा सम्पन्न बैठकमा सांगटनिक प्रतिवेदन, आर्थिक प्रतिवेदन सम्बन्धमा छलफल समेत भएको थियो । नेकपा माओवादी केन्द्रका सिन्धुपाल्चोक जिल्ला संयोजक गोविन्द पराजुलिले आगामी दिनमा संगठनलाई थप जिम्मेवार र पेशागत सञ्चारकर्मीको हकहितमा काम गर्न थप जोड दिइने बताउनुभयो ।
साथै प्रेस सेन्टर नेपाल जिल्ला समन्वय समिति सिन्धुपाल्चोकका कार्य बाहाक अध्यक्ष दिपक खत्री क्षमता अभिवृद्धिको शिलसिलामा बंगलादेश प्रस्थान गर्न लाग्नु भएकोमा हर्दिक बधाई ज्ञापन गद ै सफलता र सुरक्षित बसाईको शुभकामना व्यतm गरिएको छ ।
प्रतिक्रिया दिनुहोस्