जुगल खबर
१७ माघ, सुकुटे
चौतारा साँगाचोकगढी नगरपालिकाका प्रमुख कृष्णप्रसाद सापकोटाले पर्यटकीय सुकुटे क्षेत्रको विकासका लागि ईन्टरनेट, सरसफाई, सडकबत्ती र तरकारी संकलनका काम तत्काल थालिने बताउँनुभएको छ । साथै नगरपालिका सधँै तत्पर रहेको बताउँनुभयो ।
मंगलबार सुकुटेमा आयोजित अन्तरक्रियामा मेयर सापकोटाले बन्देउदेखि बलेफी सडकबत्ती, तरकारी संकलन केन्द्र स्थापना, हाइस्पिड इन्टरनेट, सुचना केन्द्र स्थापना, फोहोर व्यवस्थापन, आवश्यक दुध संकलन, सिसिटिभि क्यामरा जडान लगायतका काम तत्काल सुरु गरिने बताउँनुभएको हो ।
उहाले सुकुटे क्षेत्रमा बगैंचा निर्माण, पदमार्ग लगायतका विषयलाई पनि प्राथमिकतामा राखिएको जानकारी दिनुभयो । सुकुटे क्षेत्रमा रहेका होटल एवं रिसोर्टहरुले स्थानीयलाई रोजगारी दिएमा उनीहरुलाई दक्ष बनाउन नगरपालिकाले तालिम उपलब्ध गराउने उहाको भनाई छ ।
सुकुटे क्षेत्रमा अरनिको, भृकुटीजस्ता यहि मार्ग प्रयोग गरी चीन पुगेका राष्ट्रिय व्यक्तित्वका मुर्ति निर्माण गर्ने विषयमा अर्को चरणमा काम थालिने मेयर सापकोटाको भनाई थियो ।
यस अघि व्यवसायीले सुकुटे क्षेत्रमा अनरनिको, भृकुटिलगायतको मुर्तिका लागि प्रस्ताव गरेका थिए । सुकुटे क्षेत्रको पर्यटन प्रवद्र्धनका लागि गुरुयोजना निर्माण सम्बन्धि अन्तरक्रियामा सहभागिहरुले पर्यटन सूचना केन्द्र, सो क्षेत्रको बजारीकरण, पर्यटनलाई कृषि, स्थानीय उत्पादन, इतिहास, संस्कृति र भूगोललाई समेत ध्यान दिन आग्रह गरेका थिए ।
प्रतिक्रिया दिनुहोस्