जुगल खबर
जेठ १३, सिन्धुपाल्चोक । देशभर आइताबारदेखि सुरु भएको पोलियो रोग विरुद्धको ’आईपीभी’ खोप अभियान सिन्धुपाल्चोकमा पनि सन्चालन भएको छ । जिल्लामा पहिलो दिन ३ हजार ७८ जना अर्थात २९ प्रतिशत बालबालिकाले खोप लगाएका छन् । विद्यालय बाहिरका २१ जना बालबालिका र विद्यालयका ३ हजार ५७ जना बालबालिकालाई खोप दिइएको जनस्वास्थ्य कार्यालय सिन्धुपाल्चोकले जनाएको छ ।
चौतारामा कृष्ण रत्न गंगा माध्यामिक विद्यालय प्रांगणमा चौतारा साँगाचोकगढी नगरपालिकाका मेयर कृष्ण प्रसाद सापकोटाले ’आईपीभी’ खोपको भ्याक्सिन स्वास्थ्यकर्मीलाई हस्तान्तरण गर्दै अभियानको सुभारम्भ गरेका थिए । मेयर सापकोटाले सरोकारवाला सबैले गम्भिरता पूर्वक काम गरेमा यो अभियान सफल हुने विश्वास ब्यक्त गरे । आफ्ना बालबालिकालाई खोप लगाउन अभिभावकलाई अनुरोध समेत गरेका छन् ।
अभियानको औचित्यमाथि प्रकाश पार्दै जनस्वास्थ्य कार्यालय सिन्धुपाल्चोककी प्रमुख बजगाईंले जेठ १७ गतेसम्म २०७३ वैशाख देखि २०७५ असोजसम्म जन्मिएका सबै बालबालिकाहरुलाई खोप लगाउन अभियान सन्चालन गरेको बताइन् ।
जिल्ला समन्वय समिति सिन्धुपाल्चोकका उपप्रमुख पदमनाथ नेपालको अध्यक्षतामा भएको कार्यक्रममा चौतारा साँगाचोकगढी नगरपालिका वडा न ५ का अध्यक्ष शिव श्रेष्ठले स्वागत गर्दै अभियान सफल बनाउन भुमिका खेल्ने बताए ।
जिल्लाका सबै नीजि र सामुदायिक विद्यालयको खोप केन्द्र कायम भएको छ । सिन्धुपाल्चोकमा १० हजार ६ सय ६९ जना विद्यालय क्षेत्रका वालवालिका सम्पर्कमा छन् । विद्यालय बाहिर रहेका ६९ जनालाई पनि खोपको पहुँचमा ल्याइने रणनीति बनाईएको छ ।
तस्विर
प्रतिक्रिया दिनुहोस्