जुगल खबर
सिन्धुपाल्चोक ,२८ फागुन
चौतारा साँगाचोक गढी नगरपालिकाले नगरभित्र बसोबास गर्ने मानसिक रोग भएकाहरुलाई लक्षित गर्दै नगरकाे सभाहलमा निशुल्क स्वास्थ्य परिक्षण कार्यक्रमको आयोजना गरेको छ ।
साे स्वास्थ्य परिक्षणमा ८६ जनाकाे सहभागीता रहेकाे थियाे। जसमध्ये महिला ४९ जना र पुरुष ३७ जना रहेका छन् । ८४ जनालाई निशुल्क औषधि र बाकी २ जनालाई परामर्श दिएको छ । मानसिक रोग भएकाहरुलाई मानसिक रोग विशेषज्ञ डा. बासु देव कार्कीले चेकजाँच गर्नुभएको थियो ।
परिक्षण गर्न पुगेकाहरुमा सबैभन्दा बढी २६ जनालाई चिन्ता जन्य रोग , १४ जना मनोरोग ,१४ काम्ने राेग र ५ जनालाई डिप्रेसन भएको पाइएको स्वास्थ्य शाखा प्रमुख शिव पुरीले जानकारी दिनुभयो । मानसिक स्वास्थ्य समस्या भएका तर उपचारका लागी समस्यामा परेकालाई घरमानै गएर परामर्श दिने र औषधि वितरण गर्नेे पुरीले बताउनुभयो ।
प्रतिक्रिया दिनुहोस्