जुगल खबर
नवलपुर । लोकप्रिय गायन प्रतियोगिता ‘नेपाल आइडल’ सिजन ६ की फाइनलिस्ट गंगा सोनामलाई इन्द्रावती गाउँपालिकाले नगद १ लाखसहित सम्मान गर्ने निर्णय गरेको छ ।
गाउँपालिकामा बसेको कार्यपालिकाको बैठकले वडा नम्बर १० निवासी सोनामलाई नेपाल आइडलजस्तो राष्ट्रियस्तरको रियालिटी शोको फाइनलसम्म पुग्न सफल भएकी प्रतिभाको कदर स्वरूप उक्त रकमसहित सम्मान गर्ने निर्णय गरेको हो। गाउँपालिका अध्यक्ष झकनाथ नेपालीका अनुसार सोनामले सिन्दुपाल्चोक जिल्लालाई मात्रै नभई सम्पूर्ण देशलाई गौरवान्वित बनाएकी छन् ।
इन्द्रावती गाउँपालिकाका वडा नम्बर १० की सोनामले सयौँ प्रतिस्पर्धीलाई पछाडि पार्दै अहिले नेपाल आइडल सिजन ६ को फाइनलमा उपाधिका लागि प्रतिस्पर्धा गरिरहेकी छन् । भोटका आधारमा उपाधि घोषणा हुने भएकाले उनलाई जिताउन सबैले सम्भव भएसम्म भोट गरेर सहयोग गरिदिन गाउँपालिकाले समेत आह्वान गरेको छ ।
प्रतिक्रिया दिनुहोस्