घुमाउने डाँडामा ट्याङकरले ठक्कर दिँदा मोटरसाईकलमा सवार दुई जनाको मृत्यु

सिन्धुपाल्चोकको चौतारा साँगाचोकगढी नगरपालिका– ९ घुमाउने डाँडामा शनिबार अाज दिउँसो ट्याङकरले ठक्कर दिँदा मोटरसाईकलमा सवार दुई जनाको मृत्य भएको छ ।

मृत्यु हुनेमा पाँचपोखरी थाङ्पाल गाउँपालिका– १ बासखर्कका २७ वर्षिय समिर तामाङ र मोटरसाईकल पछाडी सवार मेलम्ची नगरपालिका– ११ का २७ वर्षिय नबिन पाण्डेको दुर्घटनामा निधन भएको  जिल्ला प्रहरी कार्यालय सिन्धुपाल्चोकका सूचना अधिकारी प्रहरी निरीक्षक सञ्जिव कुमार यादवले बताउनुभयो ।

अरनिको राजमार्गमा खाडिचौरबाट बन्देउ तर्फ जाँदै गरेको ना८ख ३७६ नं.को पेट्रोल बोक्ने ट्याङकरले बिपरित दिशाबाट आउँदै गरेको बाप्र०२–०३१ प ५९७६ नं.को मोटरसाईकललाई ठक्कर दिएको थियो ।

दुर्घटनामा गम्भीर घाईते भएका दुबैजनालाई प्रहरीले उद्दार गरी उपचारको लागि धुलिखेल अस्पतालमा पठाएको थियो । उपचारको क्रममा दुबैजनाको मृत्यु भएको हो । ठक्कर दिने ट्याङकर र मकवानपुर थाहा नगरपालिका– १२ का चालक भिमबहादुर तितुङलाई प्रहरीले नियन्त्रणमा लिई अनुसन्धान गरिरहेको प्रहरी निरीक्षक यादवले बताउनुभयाे।

नेकपा (एमाले) निकट अनेरास्ववियु जिल्ला सह–संयोजक थिए पाण्डे भने सचिवालय सदस्यमा  तामाङ थिए।दुवै जना विधार्थि नेतामा समेत आवद्ध थिए।