जुगल खबर
सिन्धुपाल्चोक, २६ जेठ
प्रतिनिधि सभाका सांसद माधव सापकोटाले उपत्यका बाहिर जाने सवारी साधन गोँगबुस्थित बसपार्कबाट मात्रै छुट्ने व्यवस्था अव्यवाहारिक भएको बताउनुभएको छ । काठमाडौँ महानगरपालिकाले असार १ गतेदेखि उपत्यका बाहिर जाने यात्रुवहाक सवारी साधन गोँगबु बसपार्कबाट मात्रै चलाउने ब्यवस्था लागू गर्ने भएको छ ।
प्रतिनिधि सभाको आजको बैठकमा सांसद सापकोटाले यो बाध्यकारी नियम अव्यवाहारिक भएको बताउनुभयो । साथै यो व्यवस्था अन्त्य गर्न काठमाडौं महानगरपालिका र सम्बन्धित मन्त्रालयलाई आग्रह समेत गर्नुभयो ।
उहाँले जडिबुटीमा आएका बस गोँगबु पुग्नैपर्ने बाध्यकारी व्यवस्था अन्त्यगरी जडिबुटी बसपार्क यथासक्य सम्पन्नगरी सञ्चालनमा ल्याउन सम्बन्धित मन्त्रालय र काठमाडौँ महानगरपालिकाको ध्यानाकर्षण गराउनुभयो ।
प्रतिक्रिया दिनुहोस्