प्रेस युनियन सिन्धुपालचोक द्वारा बाढी प्रभावित पत्रकारहरुलाई नगद सहयोग

चौतारा – प्रेस युनियन सिन्धुपालचोक द्वारा मेलम्ची बाढी प्रभावित पत्रकारहरुलाई नगद सहयोग गरेको छ। नेपाल प्रेस युनियन जिल्ला शाखा सिन्धुपाल्चोकको आयोजनामा उक्त कार्यक्रम भएको हो।

कार्यक्रममा बाढी बाट प्रभावित पत्रकार र सन्चार गृहको लागि आर्थिक सहयोग गरिएको छ । मेलम्चीमा बाढीबाट प्रभावित भएका पत्रकारहरूलाई २० हजारको दरले सहयोग गरेका छन्।

पिडामा परेका पत्रकारको लागि यस्तो सहयोग निरन्तर गर्दै जाने प्रेस युनियन जिल्ला शाखा सिन्धुपाल्चोकका अध्यक्ष दुर्गा आचार्यले बताईन ।

कार्यक्रममा बाल्दै नेपाल प्रेस युनियन काठमान्डौका अध्यक्ष जगन्नाथ दुलालले मेलम्ची पुननिर्माणमा सरकारले ध्यान दिन नसकेको बताएका छन । निवर्तमान प्रधानमन्त्री केपी शर्मा ओलि मेलम्ची आएर माछा पालन गर्नको लागी सुझाव दिएको उनले बताए ।

पत्रकारहरूले मेलम्चीको यथार्थ कुराहरू सञ्चार माध्यम बाट प्रसारण गरिदिएकोमा मेलम्ची पुननिर्माण अभियन्ता सागर श्रेष्ठले धन्यवाद ब्यक्त गरे । स्थानिय सरकार संग क्षमता नभएर मेलम्चीमा काम गर्न नसकेको उनले बताए । बाढी गएपछि मेलम्चीका मेयर बाढी प्रभावित भेट्न मेलम्चीमा नआएको उनले गुनासो गरे ।

मेलम्ची बाढी प्रभावितको लागि मेलम्चीमा आएको पैशा सदुपयोग नभए सबै प्रभावितले आवाज निकाल्नपर्ने पत्रकार महासंघ सिन्क का संस्थापक अध्यक्ष बिष्णु न्यौपानेले बताए।